ಮೈಸೂರು: ಮೈಸೂರು ಮಹಾನಗರ ಪಾಲಿಕೆಯ ವತಿಯಿಂದ ಸಾರ್ವಜನಿಕರಿಗೆ ಇ-ಖಾತಾ ಸೇವೆಯನ್ನು ತ್ವರಿತವಾಗಿ ಒದಗಿಸುವ ಉದ್ದೇಶದಿಂದ ಹಮ್ಮಿಕೊಳ್ಳಲಾದ ಪ್ರಜಾಸೇವಾ ವಿಶೇಷ ಇ-ಖಾತಾ ಆಂದೋಲನಕ್ಕೆ ಸಾರ್ವಜನಿಕರಿಂದ ಉತ್ತಮ ಸ್ಪಂದನೆ ವ್ಯಕ್ತವಾಗಿದ್ದು, ನಗರದ 9 ವಲಯಗಳಿಂದ ಒಟ್ಟು 708 ಅರ್ಜಿಗಳು ಸ್ವೀಕೃತವಾಗಿವೆ.
ವಲಯವಾರು ಸ್ವೀಕೃತ ಅರ್ಜಿಗಳ ವಿವರ: ವಲಯ 1 ರಲ್ಲಿ 55 ಅರ್ಜಿಗಳು, ವಲಯ -2ರಲ್ಲಿ 124 ಅರ್ಜಿಗಳು, ವಲಯ- 3ರಲ್ಲಿ 144 ಅರ್ಜಿಗಳು, ವಲಯ -4ರಲ್ಲಿ 44 ಅರ್ಜಿಗಳು, ವಲಯ -5 ರಲ್ಲಿ 48 ಅರ್ಜಿಗಳು, ವಲಯ 6 ರಲ್ಲಿ 44 ಅರ್ಜಿಗಳು, ವಲಯ 7 ರಲ್ಲಿ 82 ಅರ್ಜಿಗಳು, ವಲಯ 8ರಲ್ಲಿ 69 ಅರ್ಜಿಗಳು, ವಲಯ 9 ರಲ್ಲಿ 91 ಅರ್ಜಿಗಳು ಸ್ಭೆರಿದಂತೆ ಒಟ್ಟು 708 ಅರ್ಜಿಗಳು ಸ್ವೀಕೃತವಾದವು.
ಅರ್ಜಿಗಳ ಪರಿಶೀಲನೆಯ ಸಂದರ್ಭದಲ್ಲಿ ಅಗತ್ಯ ದಾಖಲೆಗಳು ಲಭ್ಯವಿಲ್ಲದ ಅಥವಾ ದಾಖಲೆಗಳಲ್ಲಿ ಲೋಪಗಳಿರುವ ಅರ್ಜಿಗಳಿಗೆ ಸಂಬAಧಿಸಿದAತೆ ಅರ್ಜಿದಾರರಿಗೆ ಸೂಕ್ತ ಹಿಂಬರಹ ನೀಡಲಾಗುವುದು.
ನಿಯಮಾನುಸಾರ ಅಗತ್ಯ ದಾಖಲೆಗಳನ್ನು ಹೊಂದಿರುವ ಮತ್ತು ಇಸಿ ಹಾಜರುಪಡಿಸಿರುವ ಅರ್ಹ ಅರ್ಜಿಗಳಿಗೆ ಅ. 31ರ ಶನಿವಾರ
ಸಂಜೆ 4 ಗಂಟೆಗಳೊಳಗೆ ಇ-ಖಾತಾ ವಿತರಿಸಲು ಅಗತ್ಯ ಕ್ರಮ ಕೈಗೊಳ್ಳಲಾಗುವುದು ಎಂದು ನಗರಪಾಲಿಕೆಯ ಆಯುಕ್ತೆ ಎಂ.ಕೆ.ಸವಿತಾ ತಿಳಿಸಿದರು.
ಇ-ಖಾತಾ ಸೇವೆಯನ್ನು ಸರಳೀಕರಿಸಿ, ತ್ವರಿತವಾಗಿ ಸಾರ್ವಜನಿಕರಿಗೆ ತಲುಪಿಸುವ ಉದ್ದೇಶದಿಂದ ಮೈಸೂರು ಮಹಾನಗರ ಪಾಲಿಕೆಯು ಈ ವಿಶೇಷ ಆಂದೋಲನವನ್ನು ಹಮ್ಮಿಕೊಂಡಿದ್ದು, ನಾಗರಿಕರಿಗೆ ಪರಿಣಾಮಕಾರಿ ಸೇವೆ ಒದಗಿಸಲು ಕ್ರಮವಹಿಸಲಾಗಿದೆ ಎಂದು ಹೇಳಿದರು.
ಕಾರ್ಯಕ್ರಮದಲ್ಲಿ ಪಾಲಿಕೆಯ ಆಡಳಿತಾಧಿಕಾರಿಗಳು ಹಾಗು ಪ್ರಾದೇಶಿಕ ಆಯುಕ್ತರು, ಎಲ್ಲಾ ವಲಯ ಆಯುಕ್ತರು , ಕಂದಾಯ ಅಧಿಕಾರಿಗಳು, ಸಹಾಯಕ ಕಂದಾಯ ಅಧಿಕಾರಿಗಳು, ಕಂದಾಯ ನಿರೀಕ್ಷಕರುಗಳು ಮತ್ತು ಪಾಲಿಕೆ ಸಿಬ್ಬಂದಿಗಳು ಹಾಜರಿದ್ದರು.